«очиқ бюджет» тегли мақолалар
«Менинг боғчам» лойиҳасининг овоз бериш жараёни бошланди
Иқтисодиёт ва молия вазирлиги «Менинг боғчам» лойиҳасининг овоз бериш жараёни бошланганини эълон қилди. Овоз бериш босқичи 25 октябрь куни соат 10:00 га қадар давом этади.
«Очиқ бюджет» порталида «Маҳалла бюджети» бўлими ишга тушди
«Очиқ бюджет» порталида «Маҳалла бюджети» бўлими ишга туширилди. У орқали маҳаллалар кесимида Маҳалланинг ижтимоий-иқтисодий муаммоларини ҳал этиш жамғармасига ўтказилган маблағлар ва уларнинг сарфланишини кузатиш мумкин.
Техник носозликлар туфайли «Ташаббусли бюджет» бўйича овоз бериш жараёни 16 мартгача тўхтатилди
Техник носозликлар сабаб «Очиқ бюджет» порталида овоз бериш жараёнлари вақтинча тўхтатилади ва 16 март соат 00:00 дан бошлаб давом эттирилади, дея хабар берди Иқтисодиёт ва молия вазирлиги. Айни вақтда мутахассислар камчиликларни бартараф этиш устида ишламоқда.
«Яшил макон» маблағларининг камида ярми жамоатчилик фикри асосида шаклланган лойиҳаларга йўналтирилади
Бюджетдан «Яшил макон» лойиҳасига ажратиладиган маблағларнинг камида 50 фоизи «Очиқ бюджет» портали орқали жамоатчилик фикри асосида шаклланган «Менинг боғим» лойиҳаларини молиялаштиришга йўналтирилади. Бунда «яшил боғлар» ва «яшил жамоат парклари»ни ташкил қилиш режалаштирилган.
«Менинг йўлим» лойиҳаси ғолиблари эълон қилинди
«Менинг йўлим» лойиҳасининг 2023 йилги мавсумига овоз бериш якунланди. Жами 517 та лойиҳа ғолиб деб топилди, энди уларга 412 млрд сўмдан ортиқ маблағ йўналтирилади. Жойларда фуқаролар байрам қилишни бошлаб юборди.
Ўқувчилари Open budget учун SIM-карта олишга пул йиққан мактаб директори ишдан бўшатилди
Тошкент вилояти Оққўрғон туманида ўқувчилари «Очиқ бюджет» лойиҳасида овоз тўплашга SIM-карта сотиб олиш учун пул йиғишга жалб қилинган мактаб директори ишдан бўшатилди. Вилоят ҳокими ҳақиқатан ҳам эҳтиёж бўлса, мактабни маҳаллий бюджет ҳисобидан жиҳозлаш бўйича топшириқ берди.
Ўзбекистонда «Ташаббусли бюджет»нинг овоз бериш босқичи бошланди
Иқтисодиёт ва молия вазирлиги «Ташаббусли бюджет» бўйича овоз бериш бошланганини эълон қилди. Фуқаролар инфратузилмани яхшилаш, йўллар қуриш, мактабларни таъмирлаш ва бошқа лойиҳаларга овоз бериш орқали маҳаллий бюджетнинг жами 1,7 трлн сўмлик қисмини тақсимлашда иштирок этиши мумкин.
Ўзбекистонда «Ташаббусли бюджет»нинг янги мавсуми бошланди
Иқтисодиёт ва молия вазирлиги ташаббусли бюджетлаштиришнинг янги мавсуми бошланганини эълон қилди. Унда фуқаролар инфратузилма, йўл, мактаб ва бошқа объектларни яхшилаш бўйича лойиҳаларни таклиф этиб, маҳаллий бюджетнинг бир қисмини тақсимлашда иштирок этади. Таклифлар 26 февралгача қабул қилинади.
«Ташаббусли бюджет» орқали ғолиб бўлмаган 364 та лойиҳа қўшимча молиялаштирилади
Президент қарори билан ташаббусли бюджетлаштириш жараёнларида 2 мингдан ортиқ овоз тўплаган, аммо ғолиб деб топилмаган 364 та лойиҳага қўшимча 335 млрд сўм йўналтирилади.
Пойтахт ва 7 та ҳудуд ҳокимиятлари маҳаллий бюджетлар очиқлиги бўйича талабларни бузди
Тошкент шаҳри ва 7 та ҳудуд ҳокимиятлари очиқ маълумотлар тўғрисидаги қонун ҳужжатларига зид равишда маҳаллий бюджетларнинг ижроси ва биринчи чоракда маблағларни йўналтириш мақсадлари тўғрисидаги ахборотларни жойлаштирмаган. Улар Антикоррупция агентлиги томонидан огоҳлантирилди.
Фуқароларнинг яна 139 та ташаббусига 85,4 млрд сўм ажратилади
Президент қарори билан «Очиқ бюджет» порталида ташаббускор бюджет доирасидаги 139 та лойиҳани молиялаштириш учун қўшимча 85,4 млрд сўм йўналтирилди. Гап ҳар бири 2000 дан ортиқ овоз олган (жами 480 мингдан ортиқ овоз), лекин овоз бериш жараёнида ғолиб деб топилмаган лойиҳалар ҳақида бормоқда.
2022 йилда Ўзбекистоннинг умумий ташқи қарзи 33,5 млрд долларни ташкил этиши кутилмоқда
2022 йил якунига умумий давлат қарзи 33,5 млрд доллар ёки ЯИМга нисбатан 45,2 фоизни ташкил этиши прогноз қилинмоқда. Шундан, давлат ташқи қарзи 30,4 млрд долларни ёки ЯИМга нисбатан 41 фоизни ташкил этади. 2022 йилда кутилаётган бюджет тақчиллигининг 66 фоизи ташқи манбалар ҳисобидан қопланиши мўлжалланмоқда.
«Очиқ бюджет» ахборот порталидаги жамоатчилик фикри орқали ички йўллар таъмирланади
Президент 1 октябргача «Очиқ бюджет» ахборот порталидаги таклифлар сони 100 тадан ортиқ бўлган туман ва шаҳарларга қўшимча 59,5 млрд сўм маблағ ажратиш бўйича қарор қабул қилди. Унга кўра, 2022 йилдан ички йўлларни таъмирлашга ажратиладиган 50 фоиз маблағ «Очиқ бюджет» ахборот порталида аҳоли кўп овоз берган ҳудудларга йўналтирилади.
Ташаббусли бюджет бўйича қатор лойиҳалар жамоатчиликда шубҳаларни келтириб чиқарди
Қарийб 900 та лойиҳа ташаббусли бюджет бўйича овоз беришда ғолиб деб топилди, бироқ уларнинг айримлари жамоатчиликда саволлар ва манипуляцияга йўл қўйилган, деган шубҳаларни келтириб чиқарди. Жумладан, Чилонзор туман ҳокимлигида ошхона қуриш, сектор штабини таъмирлаш ва ободонлаштириш хизмати ходимлари учун асбоб-ускуналар сотиб олиш бўйича лойиҳалар кам овоз билан ғолиб бўлган.
Ташаббусли бюджет бўйича овоз бериш босқичи бошланди
Молия вазирлиги ташаббусли бюджет бўйича овоз бериш бошланганини эълон қилди. Эндиликда фуқаролар маҳаллий бюджетни тақсимлашда иштирок этиш, инфратузилмаларни яхшилаш, йўллар, мактаблар, болалар боғчалари ва бошқаларни қуриш ҳамда таъмирлаш бўйича лойиҳаларга овоз беришлари мумкин.
Молия вазири фуқароларни «Ташаббусли бюджет»дан фаол фойдаланишга чақирди
«Ташаббусли бюджет» бўлимини ўз ичига олган «Очиқ бюджет» портали ишга туширилганидан буён фуқаролар 8000 дан зиёд мурожаат йўллади, уларни ҳал қилишга қарийб 160 млрд сўм ажратилди, дея маълум қилди молия вазири Тимур Ишметов. У ўзбекистонликларни мазкур платформадан фаолроқ фойдаланишга чақирди.
«Очиқ бюджет» портали ишга тушди. Фуқаролар бюджетнинг бир қисмини сарфлашда иштирок этишлари мумкин
Ўзбекистонда янгиланган «Очиқ бюджет» портали ишга туширилди. Унда давлат бюджети ва қарзи бўйича маълумотлар эълон қилиб борилади. Плафтормада «Ташаббусли бюджет» бўлими яратилган. У орқали фуқаролар инфратузилмани яхшилаш, хиёбонлар, болалар ва спорт майдончалари, ички йўлларни қуриш, мактабларни таъмирлаш ва жиҳозлаш ҳамда бошқа масалалар бўйича лойиҳаларни таклиф этиб, маҳаллий бюджетнинг тақсимланишида иштирок этишлари мумкин. Ушбу платформа ва ундан фойдаланиш тартиблари ҳақида «Газета.uz» қўлланмасида.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 20 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
Қўшимча имкониятлардан фойдаланиш учун сайтда рўйхатдан ўтинг